ਓਟਵਾ : ਬੈਂਕ ਆਫ ਕੈਨੇਡਾ ਨੇ ਆਪਣੀ ਕੀ ਲੈਂਡਿੰਗ ਦਰ ਨੂੰ 4.25% ਤੋਂ ਘਟਾ ਕੇ 3.75% ਕਰ ਦਿੱਤਾ ਹੈ, ਜੋ ਕਿ ਲਗਾਤਾਰ ਚੌਥੀ ਵਾਰ ਕੀਤੀ ਗਈ ਹੈ। ਇਹ ਕਟੌਤੀ ਇਸ ਲਈ ਕੀਤੀ ਗਈ ਹੈ ਕਿਉਂਕਿ ਮਹਿੰਗਾਈ ਜੂਨ ਵਿੱਚ 2.7% ਤੋਂ ਘਟ ਕੇ ਸਤੰਬਰ ਵਿੱਚ 1.6% ਹੋ ਗਈ ਹੈ। ਗਵਰਨਰ ਟਿਫ ਮੈਕਲੇਮ ਨੇ ਕਿਹਾ ਕਿ ਇਹ ਵੱਡੀ ਕਟੌਤੀ ਕੀਤੀ ਗਈ ਹੈ ਕਿਉਂਕਿ ਮਹਿੰਗਾਈ 2% ਦੇ ਟਾਰਗਟ ‘ਤੇ ਵਾਪਸ ਆ ਗਈ ਹੈ।
ਬੈਂਕ ਦਾ ਅਨੁਮਾਨ ਹੈ ਕਿ ਤੇਲ ਦੀਆਂ ਘੱਟ ਕੀਮਤਾਂ ਅਤੇ ਕਾਰਾਂ ਅਤੇ ਕੱਪੜਿਆਂ ਵਰਗੀਆਂ ਵਸਤੂਆਂ ਦੀ ਲਾਗਤ ਘਟਣ ਕਾਰਨ ਮਹਿੰਗਾਈ ਇਸ ਪੱਧਰ ਦੇ ਆਸਪਾਸ ਰਹੇਗੀ।
ਫਾਇਨੈਂਸ ਮਿੰਸਟਰ ਕ੍ਰਿਸਟੀਆ ਫ੍ਰੀਲੈਂਡ ਨੇ ਉਜਾਗਰ ਕੀਤਾ ਕਿ 2025 ਤੱਕ ਕੈਨੇਡਾ ਵਿੱਚ G7 ਵਿੱਚ ਸਭ ਤੋਂ ਮਜ਼ਬੂਤ ਆਰਥਿਕ ਵਿਕਾਸ ਹੋਣ ਦੀ ਉਮੀਦ ਹੈ। ਕੈਨੇਡੀਅਨ ਆਰਥਿਕਤਾ ਵਿੱਚ ਸਾਲ ਦੇ ਪਹਿਲੇ ਮੱਧ ਵਿੱਚ ਲਗਭਗ 2% ਵਾਧਾ ਹੋਇਆ ਹੈ ਅਤੇ ਦੂਜੇ ਮੱਧ ਵਿੱਚ 1.75% ਦੇ ਵਾਧੇ ਦਾ ਅਨੁਮਾਨ ਹੈ। ਹਾਲਾਂਕਿ, ਲੇਬਰ ਮਾਰਕੀਟ ਕਮਜ਼ੋਰ ਰਹੇਗੀ ਅਤੇ ਬੇਰੁਜ਼ਗਾਰੀ ਦਰ 6.5% ਤੱਕ ਵਧ ਜਾਵੇਗੀ।
ਬੈਂਕ ਨੇ ਭਵਿੱਖਬਾਣੀ ਕੀਤੀ ਹੈ ਕਿ ਘੱਟ ਵਿਆਜ ਦਰਾਂ ਕਾਰਨ ਜੀਡੀਪੀ ਦਾ ਵਾਧਾ ਹੌਲੀ ਹੌਲੀ 2025 ਵਿੱਚ 2% ਅਤੇ 2026 ਵਿੱਚ 2.25% ਤੱਕ ਮਜ਼ਬੂਤ ਹੋਵੇਗਾ।