ਓੁਂਟਾਰੀਓ:ਓੁਂਟਾਰੀਓ ਹੈਲਥ-ਕੇਅਰ ਵਰਕਰਜ਼ ਦੀ ਨੁਮਇੰਦਗੀ ਕਰਨ ਵਾਲੀ ਯੂਨੀਅਨ ਦੁਆਰਾ ਕੀਤੇ ਇੱਕ ਪੋਲ ‘ਚ ਕਿਹਾ ਜਾ ਰਿਹਾ ਹੈ ਕਿ 40% ਸਿਹਤ ਕਾਮਿਆਂ ਦੁਆਰਾ ਅਗਲੇ ਸਾਲ ਆਪਣੀ ਨੌਕਰੀ ਛੱਡਣ ਦੀ ਯੋਜਨਾ ਬਣਾਈ ਜਾ ਰਹੀ ਹੈ।
ਸੀ.ਯੂ.ਪੀ.ਈ. ਦਾ ਕਹਿਣਾ ਹੈ ਕਿ 79% ਕਾਮੇ ਇਸ ਗੱਲ ਨੂੰ ਲੈ ਕੇ ਯਕੀਨ ਰੱਖਦੇ ਹਨ ਕਿ ਪ੍ਰੀਮੀਅਰ ਡੱਗ ਫੋਰਡ ਦੀ ਸਰਕਾਰ ਇਸ ਸਾਲ ਹੈਲਥ-ਕੇਅਰ ਸਿਸਟਮ ‘ਚ ਕੋਈ ਸੁਧਾਰ ਨਹੀਂ ਕਰੇਗੀ।
ਯੂਨੀਅਨ ਵੱਲੋਂ $1.25 ਬਿਲੀਅਨ ਦਾ ਖ਼ਰਚਾ ਕਰਨ ਦੀ ਬੇਨਤੀ ਕੀਤੀ ਜਾ ਰਹੀ ਹੈ ਤਾਂ ਜੋ ਸਟਾਫਿੰਗ ਲੈਵਲ ‘ਚ ਸੁਧਾਰ ਕੀਤਾ ਜਾ ਸਕੇ ਅਤੇ ਓੁਂਟਾਰੀਓ ਦੇ ਹਸਪਤਾਲਾਂ ਦੀ ਸਮਰੱਥਾ ‘ਚ ਵੀ ਵਾਧਾ ਕੀਤਾ ਜਾਵੇ।